Një ndër vendet që është përfshirë për strehimin e refugjatëve afganë është dhe Kosova. Në një lajmërim të dytë mediat e Kosovës informuan se afganët do të mbërrijnë nesër në orën 19:00, pasi pritej që të arrinin ditën e sotme.
Mediat e Kosovës kanë zbuluar se afganët do të strehohen në kampin ushtarak ‘’Bondsteel’’ që funksionon dhe si baza më e madhe amerikane nën komandën e KFOR.
Grupi i qytetarëve afganë që do të strehohen përkohësisht në Kosovë pritet të mbërrijë të dielën në Aeroportin e Prishtinës pasi pati një ndryshim plani duke qenë se ardhja e tyre pritej ditën e sotme.
Zëri i Amerikës ka mësuar se bëhet fjalë për pak më shumë se 100 persona, që kanë punuar si kontraktorë të NATO’s të cilët do të jenë së bashku me familjet e tyre.
Autoritetet ende nuk kanë bërë të ditur ndonjë informatë shtesë për vendstrehimin e tyre por kanë bërë të ditur se do të strehojnë rreth 2 mijë qytetarë afganë.
Qeveria e Kosovës ka miratuar kërkesën “për dhënien e mbrojtjes së përkohshme dhe të menjëhershme personave të rrezikuar nga konflikti i brendshëm në Afganistan, të cilët janë në proces të aplikimit për Viza të Veçanta Imigruese (SIV) – të Shteteve të Bashkuara të Amerikës, përfshirë familjet e tyre”.
