Mbrojtja e ish-krerëve të UÇKK në Gjykatën Speciale në Hagë i ka kushtuar Kosovës një million e 578 mijë e 857 euro e 35 centë euro
Telegrafi shkruan se që nga tetori i vitit 2020, Ministria e Drejtësisë i ka paguar këtë shumë parash për gjashtë muaj më radhë avokatët që po mbrojnë ish- krerët e Ushtrisë Çlirimtarë të Kosovës.
Mediat i kanë siguruar këto shifra nga Ministria e Drejtësisë, pas kërkesës së ministres Haxhiu për ndryshim të udhëzimit administrative për publikimin e shpenzimeve financiare. Një udhëzim i tillë është aprovuar edhe nga kryeministri Albin Kurti.
Në krye të listës së shpenzimeve është avokati i Hysni Gucatit, Jonathan Rees. Ai është paguar ekzaktësisht 315 mijë euro. Në radhë pas tij vjen avokati i Rexhep Selimit. Njëri nga tre avokatët e ekpit mbrojtës të ish-shefit të shtetit, Pierre R. Prosper deri më tani është paguar mbi 251 mijë euro.
Ndërkohë, për mbrojtjen e Jakup Krasniqit janë shpenzuar 242 mijë euro.
Sipas të dhënave më pak është paguar avokati i Kadri Veselit. Britaniku Ben Emmerson që po e mbron Kadri Veselin, është paguar më shumë se 31 mijë euro.
Ndërsa avokati i Nasim Haradinajt, Bat Mertens, për muajt tetor-nëntor është paguar 33 mijë e 648 euro. Avokati tjetër i tij, Toby Cadman, për periudhën dhjetor-shkurt është paguar 144 mijë e 742 euro.
Për mbrojtjen janë aprovuar deri tani 1,114,257.35 EUR. Deri tani janë tërhequr nga llogaria 464,600 mijë euro nga mbrojtja e përmendur më lart.
