Një sasi lënde dyshuese djegëse dhe një kallëp tritoli janë zbuluar pranë një lokali në Kurbin.
Policia ka nisur hetimet dhe ekspertët xhenierë janë angazhuar për të çaktivizuar lëndën eksplozive.
Njoftimi i policisë:
Kurbin/Informacion paraprak
Rreth orës 11:10, në ambientet jashtme të lokalit në pronësi të shtetasit I. N., 52 vjeç, është konstatuar një sasi lënde e dyshuar djegëse dhe një kallëp i dyshuar me lëndë plasëse.
Menjëherë janë njoftuar ekspertët xhenierë, të cilët po kryejnë veprimet e nevojshme për çaktivizimin e saj.
Grupi hetimor ndodhet në vendngjarje dhe vijon punën për sqarimin e plotë të rrethanave të rastit dhe identifikimin e autorit/ve.
