Së fundmi, studiuesit kanë bërë një zbulim shumë interesant.
Bëhet fjalë për materialin më të vjetër në Tokë, që është shumë më i vjetër se vetë planeti.
Në vitin 1969, një meteor u pa duke shpërthyer në qiell afër Victorias, në Australi.
Fragmente e tij me një peshë rreth 100 kg, u gjetën në një sipërfaqe prej mbi 13 km katrorë.
Kështu, studiuesit patën mundësinë ta analizonin gjerësisht.
Ata kanë zbuluar se meteori Murchison përmban mostra të materialit më të vjetër që është gjetur ndonjëherë në Tokë.
Rreth 30 vjet më parë u zbulua se shkëmbinjtë strehonin ‘kokrra pre-diellore’ – kokrra të vogla karbiti silici më të vjetër se Dielli.
Mirëpo, mosha e tyre e saktë nuk ishte përcaktuar deri më tani.
Për ta kuptuar këtë, ata matën se sa kohë këto kokrra para-diellore ishin ekspozuar ndaj rrezeve kozmike.
Në fund nga studimet e kryera, ekipi zbuloi se shumica e kokrrave ishin të vjetra midis 4.6 dhe 4.9 miliardë vjet.
Ndërkohë, Dielli është në skajin më të ri të këtij diapazoni, në moshën 4,6 miliardë vjeç, ndërsa Toka rreth 4.5 miliardë vjet.
Por, kokrrat më të vjetra datojnë për më shumë se 5.5 miliardë vjet, duke i bërë ato materialin më të vjetër të njohur në Tokë.
Ekipi thotë se historia e këtyre kokrrave mund të gjurmohet edhe më tej, te yjet që lindën rreth 7 miliardë vjet më parë.
Sipas studiuesve, ky konstatim sugjeron që galaktika jonë kaloi nëpër një periudhë të formimit intensiv të yjeve rreth asaj kohe.
