Ish-kryeministri Sali Berisha pasditen e sotme do të ndalet në qytetin e Lezhës, ku dhe do të zhvillojë takimin e radhës në kuadër të “Foltores” me demokratët.
Takimi me demokratët do të mbahet, në orën 17:00 në Pallatin e Kulturës së Lezhës.
Berisha iu ka bërë thirrje të gjithë demokratëve të Lezhës të bashkohen në Foltoren: “Për një Parti Demokratike më të bashkuar, më të fortë, më të hapur.”
Ndërkohë wshtw mësuar axhendën e ish-kryeministrit Sali Berisha, pas takimit me demokratët e Lezhës.
Takimi i radhës do të jetë ditën e martë në Kamzë.
Kujtojmë këtu se lëvizja e Berishës ka si qëllim bashkimin e së djathtës dhe kthimin e PD-së në vlerat e saj demokratike.
Deri tani Berisha ka zhvilluar takime në Tiranë, më pas në Fier, në Vlorë, në Durrës, në Elbasan, në Gjirokastër, Shkodër, Korçë, Kukës, Dibër dhe Berat, në Kavajë, ndërsa sot do të ndalet në Lezhë.
Kujtojmë se Foltorja e Berishës po sheh një entuziasëm dhe energji që i kishte munguar takimeve të PD-së prej vitesh. Ajo që bie në sy që nga dita e parë është se demokratët që i përbetohen për besnikëri Berishës, po shtohen dhe bashkë me ta, edhe deputetët e PD-së.
