Komisioni Qendror i zgjedhjeve ka bërë publike listën me emrat e kandidatëve për deputetë që do të dërgohen për verifikim të thelluar. Janë 12 kandidatë në total që do të dërgohen për verifikim, mes tyre kandidatë të Partisë Demokratike, Partisë Socialiste dhe Lëvizjes Socialiste për Integrim.
Nga Partia Demokratike do të dërgohen për verifikim Agron Kapllanaj; Gentjan Muca; Rezart Tusha dhe Zef Hila. Ndërkohë nga socialistët do të dërgohen për verifikim të thelluar tre kandidatë për deputetë: Artan Bitri; Halim Dauti dhe Leonard Beqiri. Po ashtu për verifikim do të dërgohen edhe dy emra nga Partia SocialDemokrate, ndër ta edhe vetë kreu i partisë Tom Doshi. Kandidat tjetër që do të dërgohet për verifikim nga kjo parti është edhe Kleo Murataj. Po ashtu koalicioni Aleanca Bashkimi Popullor – Emigracioni – Ora e Shpresës dhe Konservatorët ose ndryshe ABEOK kanë kandidatë që do të dërgohen për verifikim të thelluar. Më konkretisht dy emra që janë Altin Gjeloshaj dhe Elsa Voka.
Lista e plotë me emrat që do të dërgohen për verifikim:
Koalicioni ABEOK:
– Altin Gjeloshaj
– Elsa Voka
Partia Lëvizja Socialiste për Integrim:
– Arbër Arifaj
Partia Demokratike:
– Agron Kapllanaj
– Gentjan Muca
– Rezart Tusha
– Zef Hila
Partia Socialdemokrate:
– Kleo Murataj
– Tom Doshi
Partia Socialiste:
– Artan Bitri
– Halim Dauti
– Leonard Beqiri
