Janë identifikuar të tre personat të cilët mbetën të plagosur nga përplasja me armë ditëne sotme në qytetin e Elbasanit, në lagjen “5 Maji”, ku si pasojë mbeti i vrarë Pjerin Xhuvani. Mësohet se tre të plagosurit janë efektivja e policisë, Xhensila Shota, Klement Xhaferri si dhe Emiljano Prenga, dhëndri i viktimës.Kujtojmë se Klement Xhaferri akuzohet si i përfshirë në incidentin te tregu në qytetin e Elbasanit, ku ka përplasur me makinë zv.drejtorin e policisë së këtij qyteti. Autori i dyshuar i ngjarjes 34-vjeçar, Arbër Papleka është vetëdorëzuar në polici ku dhe është shprehur se ka qëlluar për vetëmbrojtje.
Pak çaste më parë edhe policia e Elbasanit jep informacione zyrtare për vrasjen e 56-vjeçarit Pjerin Xhuvani dhe plagosjen e 4 personave të tjerë. Policia deklaron se janë shoqëruar disa persona të dyshuar se kanë dijeni apo lidhje me ngjarjen si dhe është bërë e mundur vënia në pranga e autorit të vrasjes.
Njoftimi i Policisë
Më datë 21.04.2021, rreth orës 14:00, në lagjen “5 Maji”, Elbasan, gjatë një konflikti është vrarë me armë zjarri shtetasi P. XH., si dhe janë plagosur shtetasit E. P., P. V. dhe E. B. Gjithashtu, në përpjekje për të parandaluar krimin është plagosur edhe punonjësja e Policisë e forcës së posacme “Shqiponjat”, XH. S.
Menjëherë në ndihmë të patrullës kanë shkuar shërbime të tjera të Drejtorisë Vendore dhe të Komisariatit të Policisë Elbasan, si dhe janë ngritur pika kontrolli në të gjihha akset rrugore në hyrje dhe dalje të qytetit të Elbasanit.
Gjithashtu, menjëherë është ngritur një grup i posaçëm hetimor i përbërë nga specialistë të hetimit të krimeve kundër personit në Drejtorinë Vendore të Policisë Elbasan, të Drejtorisë sē Krimeve Kundēr Personit e Pasurisë në Drejtorinë e Përgjithshme të Policisë së Shtetit dhe nën drejtimin e Prokurorisë së Rrethit Gjyqësor Elbasan po vijon intensivisht puna për fiksimin dhe administrimin e çdo prove materiale që do t’i shërbejë zbardhjes dhe dokumentimit të ngjarjes.
Ndërkohë janë shoqëruar në Drejtoritë Vendore të Policisë Elbasan dhe Tiranë, disa persona të dyshuar se kanë dijeni apo lidhje me ngjarjen, si dhe është bërë e mundur vënia në pranga e autorit të vrasjes, shtetasi A. P., ish-punonjës police
