Pas lajmit që një velierë kishte ngecur në bregdetin e fshatit Karpen, në Kavajë, e cila u gjet nga policia kufitare pasditen ditën e djeshme, policia zbulon detaje të reja ku pronari i velierës është Fellmann Frank Rudiger, 85 vjeç, Sipas informacioneve paraprake, bëhet me dije se dyshimet mund të jenë se ai është mbytur në det nga stuhia, ndërsa është kontaktuar edhe me të birin e Fellmann Frank Rudiger dhe ai ka deklaruar se nuk ka kontaktuar me të atin prej një muaji.
Gjatë kontrollit janë gjetur dhe sekuestruar 1 armë zjarri pistoletë tip “Walther”, 1 krehër pistolete, municion luftarak, 2 celularë, 1 laptop dhe dokumentet e mjetit lundrues, po ashtu dhe një pasaportë gjermane me emrin Fellmann Frank Rudiger, 85 vjeç.
Nga verifikimet e kryera në bashkëpunim me Guardia di Finanza-n paraprakisht rezulton se mjeti lundrues është nisur nga Bari, Itali, me drejtim Kroacinë.
