Jo vetëm marrëveshjen e kryeministrit Rama me homologen e tij dhe mikeshën italiane, Giorgia Meloni për emigrantët. Emisioni investigativ “Report” i Rai 3 zbuloi gjithashtu lidhjen e fortë mes kreut të qeverisë dhe eksponentë të tij me ministra e ish-ministra italianë, të cilët figurojnë me kompani biznesi në Shqipëri.
Më konkretisht bëhet fjalë për kreun e kompanisë lobuese “Italian Ëorld Serve”, Pietro Urso. Babai i tij, Adolfo Urso deri 10 ditë para se të betohej si ministër, ishte pronari Italian Ëorld Services, së bashku me djalin e tij, një kompani aktive në sektorin e konsulencës institucionale dhe lotimin për bizneset, duke arritur rezultate të shkëlqyera.
Gazetari italian Giorgio Mottola ka zbuluar lidhjen e ngushtë mes ministrit aktual të Melonit, Pietros dhe ish-deputetit socialist Artan Gaçi si dhe vetë Ramës.
Kështu flet Francesco Becchetti, sipërmarrësi nga Roma që hapi kanalin Agon TV në Tiranë, i dënuar me 17 vite burg në Shqipëri dhe tani kërkon 135 milionë euro nga qeveria shqiptare në bazë të një vendimi të arbitrazhit ndërkombëtar.
Becchetti thotë se ka humbur mbështetjen profesionale, por edhe miqësinë e Adolfo Urso, i cili në atë periudhë duket se ka krijuar një marrëdhënie të përzemërt dhe miqësore me kryeministrin shqiptar.
Në Dhomën e Tregtisë Shqiptare Urso jr. rezulton se ai është pronar i Asigest Broker Albania, një emër i ngjashëm me spa italiane Asigest Broker që operon në sektorin e sigurimeve nën përgjegjësinë e Ministrisë së Made in Italy, dikur e Zhvillimit Ekonomik dhe drejtuar nga Adolfo Urso.
Një tjetër kompani nga Tirana, Generate, në pronësi të njëfarë Andi Canaj, gjithashtu ortak i italianëve të tjerë në të dy brigjet e Adriatikut, është përfshirë edhe në Asigest shqiptar. Ai u takua me Pietro Urso.
Ndërsa Pietro Urso është shprehur se nuk e njeh partnerin, Canaj rezulton të jetë në lidhje me ish-deputetin Artan Gaçi. Në fakt, ai përdor një adresë emaili nga Atcc, kompania e Gaçit.
Emri i Gaçit del në hetimin delikat gjyqësor për korrupsion për resortin luksoz prej më shumë se 5 milionë eurosh që po ndërton pak metra mbi det në jugun e Vlorës.
Pra kompania e Canajt është ortak i Pietro Urso. Gazetari Mottola ka kontaktuar në telefon Artan Gaçin, por ky i fundit ka deklaruar se nuk mund të flasë pasi ndodhej në një moment të pavolitshëm.
Rai: Përshëndetje, unë jam Giorgio Mottola, unë jam një gazetar raportues për transmetimin Rai
Gaçi: Jam në një moment paksa të pavolitshëm.
Rai: Doja të bëja një bisedë me ju dhe madje të takohesha nëse ishte e nevojshme.
Gaçi: Të thërras me qetësi, mirë? Faleminderit!
Rai: Kur mund të telefonoj?
