Ambasadori gjerman Peter Zingraf dhe kryedemokrati Lulzim Basha kanë zhvilluar një takim së bashku në selinë blu. Takimi me dyer të mbyllura u zhvillua në selinë e Partisë Demoratike.
Ad by Valueimpression
Takimi i Peter Zingraf me kreun e opozitës, vjen pak ditë para vizitës së kancelares gjermane në vendin ton, Angela Merkel dhe konstituimit të parlamentit të ri.
Ka qenë ambasada gjermane ajo që ka treguar detaje nga takimi në fjalë, pasi kryetari i partisë Demokratike nuk donte që të fliste për këtë çështje. Thuhet se takimi është bërë në vazhdën e shkëmbimeve periodike të informacionit.
Mësohet se temë e bisedës ishin ndër të tjera puna aktuale në parlament, procesi i reformave në rrugën e Shqipërisë drejt BE-së, lufta kundër korrupsionit dhe krimit të organizuar.
Po ashtu, raportohet se një tjetër çështje që është diskutuar kanë qenë dhe debatet brenda PD-së dhe programatikat e saj për të ardhmen.
Kujtojmë se ditët e fundit janë rikthyer përplasjet politike në Këshillin Politik, pasi opozita kërkon lejimin e koalicioneve parazgjedhore dhe hapje 100% të listave, kërkesa këto që nuk pranohen nga mazhoranca socialiste.
Nga ana tjetër, kreu i ekzekutivit gjendet në Gjermani, ku nuk është pritur as nga kancelarja Merkel dhe as nga drejtuesit e CDU/CSU
