Ditën e djeshme media “law360.com”, ka publikuar një artikull në lidhje me biznesmenin italian Françesko Beketi dhe shifrën që duhet të paguajë Shqipëria ndaj tij.
Sipas “law360.com”, Shqipëria duhet t’i paguajë biznesmenit shifrën prej 111 milionë euro.
Biznesmeni italian e paditi qeverinë shqiptare, duke pretenduar se sulmet ndaj biznesit të tij lidhen me faktin se televizioni në pronësinë e Beketit, “Agon Channel” ka bërë mbulim jo të favorshëm ndaj qeverisë.
Organi i gjykatës tha se veprimet e Shqipërisë ndaj kompanisë “Agonset” nuk ishin ‘ushtrim legjitim i fuqive policore’.
Sipas tribunalit, kjo solli edhe shpronësimin e akuzuesve. Vetë Beketi tha se vendimi e ka gëzuar, pasi vjen pas katër vitesh betejë.
Biznesmeni mësohet se është shprehur se media e tij e lirë u shënjestrua nga autoritetet dhe qeveria shqiptare.
Firma ligjore që përfaqësoi biznesmenin italian tha se ky vendim ishte një kritikë e fortë ndaj sjelljes së paligjshme që i është bërë Françesko Beketit.
