Ditën e nesërme në shkollat e vendit do të nisë mësimi plotësues për nxënësit, ndërsa Ministria e Shëndetësisë ka hartuar edhe një protokoll me rregullat anti-Covid që duhen respektuar.
Mësuesit duhet të jenë të vaksinuar dhe ata që nuk e kanë bërë vaskinën kanë kohë për diçka të tillë deri në 30 shtator. Në të kundërt mësuesit duhet të paraqesin një dokument për arsyen e mosvaksinimit të tyre. I njëjti detyrim vlen edhe për stafin e shkollës, sanitaret, rojet etj.
Rregulla të tjera që duhen ndjekur janë edhe mbajtja e maskave në klasa dhe në ambientet e shkollës, oraret fikse, distanca mes nxënësve etj. Distanca mes nxënësve duhet të jetë 1.5 metër, në mënyrë që të parandalohet përhapja e Covid. Nxënësit që kanë simptoma të ngjashme me Covid-19 apo temperaturë para ardhjes në shkollë, njofton mësuesin kujdestar, i cili në bashkëpunim me mjekun e familjes apo me mjekun e shkollës verifikon nëse nxënësi është i sëmurë apo jo. Justifikimi i mungesës bëhet vetëm nga mjeku i familjes. Ndërkohë, nxënësve do iu matet temperatura me termometër digjital dhe do kontrollohen nëse mbajnë apo jo maskë.
Mësimi plotësues që nis në 1 shtator nuk do të jetë fakultativ për të gjithë nxënësit, ndërsa më datë 27 shtator shkollat fillojnë zyrtarisht mësimin.
Dokumentin e plotë e lexoni këtu.
