Ditën e sotme zbulohet dëshmia e adoleshentes së zhdukur rreth një muaj më parë.
17- vjeçarja u gjet dje në zonën e plazhit në qytetin e Durrësit. Ngjarja u bë më e rëndë, pasi e mitura është gjetur në banesë me djalin e hallës së saj, me të cilin pretendonte se kishte marrëdhënie intime.
Denoncimi për humbjen u bë nga familjarët e vajzës disa javë më parë, ndërsa 17-vjeçarja kishte vendosur që të largohej nga banesa pasi kishte krijuar një lidhje dashurie me kushëririn e saj (djalin e hallës) 7 vite më të madh. Sipas burime të “Panorama”, pas largimit nga shtëpitë e tyre, dy të rinjtë kishin marrë një apartament me qira në lagjen 13 të qytetit bregdetar, ndërsa vajza kishte shkëputur kontaktet telefonike me familjarët e saj. Ndërsa 24-vjeçari i arrestuar e shpërndante me doza të vogla në zonën e Plazhit.
Vetë vajza ka rrëfyer para hetuesve se ka ikur me dëshirën e saj te kushëriri dhe ka kryer marrëdhënie pa e detyruar ky i fundit. E gjithashtu ajo nuk e ka mohuar që të ketë kryer marrëdhënie seksuale me kushëririn e saj.
“Nga shtëpia jam larguar me dëshirën time, nuk më ka detyruar askush. Nuk kam dashur ta lajmëroj familjen, pasi nuk doja që të bëheshin merak. Gjatë kësaj kohe qëndrova te shtëpia e kushëririt tim. Jetonim të dy te një shtëpi që ai kishte marrë më qira në zonën e plazhit. Më ka trajtuar shumë mirë. Nuk më ka detyruar fare që të qëndroja kundër dëshirës sime. Kisha dëshirë të rrija më të. Asgjë nuk ka ndodhur kundra vullnetit tim. Kam jetën time dhe bëj çfarë të dua me të. Po kam kryer marrëdhënie me të. Kam jetën time dhe bej ashtu si e ndjej. Për trupin tim përgjigjem vetëm unë dhe shkoj me kë të më dojë qejfi dhe nuk i jap llogari askujt,”– ka deklaruar ndër të tjera 17-vjeçarja, e cila iu nënshtrua edhe vizitave mjekoligjore.
