Të tjera detaje kanë dalë në dritë nga përgjimet e dosjes së Prokurorisë për punonjësit e policisë që janë të arrestuar. Në dosjen e hetimore është edhe një bisedë, ku policët nxjerrin të dhëna personale të një vajze sipas BallkanWeb.
Ndër të tjera në dosje është sqaruar edhe fakti se është marrë në pyetje shtetasja A.C., e cila është shprehur se ndihet e shqetësuar dhe se nuk ka autorizuar askënd që të hyjë në të dhënat e saj personale.
“Punonjësi i policisë, Durim Muraj, me detyrë trup shërbimi pranë Komisariatit të Policisë Nr. 1 Tiranë. Numri i këtij shtetasi është vënë në përgjim me vendim gjykate. Në datën 09.08.2021, ora 17:00, këtë shtetas e telefonon kolegu i tij, Jon Burri, i cili i kërkon t’i japë të dhëna të plota për një automjet me targa XX dhe pronaren e tij, pasi e kishte parë në një lavazh dhe e kishte pëlqyer si femër.
Fillimisht Durim Murja stepet se për të bërë këtë veprim duhet krijuar një numër unik në sallën operative, por më pas nëpërmjet koleges së tij, Matilda Hamollari, ku kjo e fundit telefonon në sallën operative të Komisariatit të Policisë Nr. 1, nxjerrin të dhënat e plota të automjetit me targa XX, si emri i pronares A. C., dhe lloji i automjetit “Toyota Yaris” dhe ja transmetojnë shtetasit Jon Burri”, thuhet në dosjen e Prokurorisë.
Në këtë mënyrë dy efektivët e policisë, përkatësisht Hamollari dhe Murja i kanë siguruan kolegut të tyre të dhënat e qytetares, duke shkelur ligjin për të dhënat personale.
