Detaje të reja janë zbardhur nga nga ngjarja e ndodhur mbrëmjen e sotme në Shkodër, ku të plagosur mbetën Erisen Gjeka dhe Ndue Pali.
Mësohet se të rinjtë ishin duke udhëtuar me një motoçikletë kur një “Audi” i zi u preu rrugën dhe i qëlloi me armë zjarri.
Në ndjekje të tyre është vënë policia, e cila ka rrethuar zonën, ndërsa në ndihmë të forcave të rendit është vënë edhe FNSH.
Ndërkohë mësohet se Erisen Gjeka është nipi i Gjon Gjekës, i cili është ekzekutuar në vitin 2013, asokohe 49 vjeç.
Gjon Gjeka njihej ndryshe si i “forti i Shkodrës”. Gjoka u vra nga dy persona me motor, të cilët i kishin bërë pritë në hyrje të pallatit në afërsi të vendit të quajtur “Ura e Thive”. Ai u qëllua tri herë në gjoks nga një distancë gati 1 metër e gjysmë, duke e lënë të vdekur në vend, ndërkohë që autorët nuk janë kapur as sot.
Gjeka, njihej si “Zoti i Bardhajve” pasi në moshën 37-vjeçarë, ka qenë i akuzuar për vjedhjen e një banke në Shkodër, vepër për të cilën edhe është arrestuar. Me atë rast policia vendase bëri të ditur se ai akuzohej gjithashtu për pjesëmarrje aktive në grabitjen me armë të qendrës “Don Bosco” dhe shkatërrimin e zyrave të Prokurorisë në shkurt të vitit 1998.
