Dashnor Osmani, 50 vjeç, u qëllua me sëpatë dhe më pas trupi i tij u hodh në rrugën pranë Pazarit të Korcës ditën e sotme.
Autori i krimit makabër është Zamir Topi, i cili ka deklaruar se viktima i kishte dhunuar varrin e nënës.
Mësohet se në vitin 2014, viktima dhe autori i kishin varrosur të afërmit afër.
Së fundmi, Report tv ka arritur të zbardh disa të dhëna rreth kësaj çështjeje.
Referuar asaj çka bashkëfshatarët thonë, Osmani (viktima) dhe Zamir Topi(autori), janë njerëz të urtë dhe të qetë, që nuk sillnin probleme në fshat.
Sipas tyre, ky konflikt daton pesë vite më parë.
Dashnori kishte varrosur shumë pranë varrit të nënës së Zamirit, babanë e tij.
Mirëpo këtë tokë, Zamiri pretendonte se e kishte blerë për të varrosur babanë, (sot i gjallë).
Kështu, ai i kishte lënë afat 5 vite për të zhvarrosur nënën e tij, por kjo gjë nuk kishte ndodhur.
Për më tepër, 42-vjeçari kishte bërë ankesa të shumta në Njësinë Administrative rreth kësaj çështjeje.
Një detaj tjetër që zbulojnë dëshmitarët është se Dashnor Osmani u vra në mes të qytetit në sy të bashkëshortes së tij.
Pas vrasje, bëhet me dije se familja 42-vjeçarit është marrë në mbrojtje nga policia.
Familja Topi i druhet një hakmarrjeje pas vrasjes dhe për këtë arsye janë marrë në mbrojtje.
Vetë 42-vjeçari, Zamir Topi rezulton të jetë me probleme mendore dhe është i pajisur me kartelë.
