Vrasja e Gjeneralit të Gardës Revolucionare Qassem Soleimani ka ngjallur debate të shumta.
Së fundmi, janë zbardhur detaje të reja rreth sulmit ndaj tij.
Në shënjestër ishin dy makina që po transportonin militantët e Forcave të Mobilizimit Popullor, me seli në Irak.
Ndërkohë, Soleimani sapo kishte mbërritur në Bagdad, me një fluturim nga Siria.
Bazuar në raportin e zyrtarëve amerikan, droni lëshoi katër raketa, që e goditën veturën ku ndodhej Soleimani dhe shoqëruesit e tij, duke e shkatërruar në tërësi.
Thuhet se trupi i Solemainit është identifikuar në bazë të një unaze të madhe që shihej në një dorë, e njëjtë me atë që është parë në fotografitë në të kaluarën.
Më herët, Trump reagoi rreth kësaj ngjarje, duke thënë se SHBA ka parandaluar një luftë.
Sipas tij, Solemaini kishte përgatitur sulme të rënda.
