Ambasadorja e SHBA në Tiranë, Yuri Kim, e shoqëruar Dilaëar Syed, përfaqësues Special për Çështjet Tregtare dhe të biznesit në Departamentin e Shtetit, kanë zbarkuar paraditen e sotme në Kryesinë e Kuvendit.
Mësohet se dyshja diplomatie e SHBA po takohen me kryetarë dhe nënkryetarë të Komisionit të Jashtëm, të Integrimit dhe ata të Ekonomisë, por ende uk dihet se cila është tema e tyre e diskutimit.
Ky takim i zyrtarëve amerikan vjen pasi dje në seancën plenare pati dhebate të shumta dhe 3 përjashtime të reja, duke bërë që opozita të përfaqësohet vetëm me gjysmën e deputetëve të saj në Parlament.
Kështu pas bllokimit të foltores se Kuvendit, dje u përjashtua Edmond Spaho, Elda Hoti si dhe Sorina Koti.
Më herët u përjashtuan edhe 18 deputetë të tjerë, mes tyre edhe kreu i PD, Sali Berisha, po për të njejtën arsye.
Që prej shpërthimit të skandalit “McGonigal”, ambasadorja e SHBA, Yuri Kim nuk ka pranuar të japë reagimin e saj në lidhje me çështjen në fjalë. Ndonëse kjo çështje implikon disi edhe ambasadën amerikane në Tiranë, pasi bëhet fjalë për takime të një zyrtari të lartë amerikan që zhvillon takime me persona në Shqipëri, ambasadorja Kim ka preferuar që të heshtë. As nga faqja e ambasadës nuk ka asnjë reagim për çështjen.
