Ambasadorja e Shteteve të Bashkuara të Amerikës, Yuri Kim me anë të një postimi në rrjetet sociale, na tregon se ka zgjedhur të vizitoj kishën Shna Ndout në Laç, këtë mbrëmje të datës 13, ku shënohet fundi i pelegrinazhit. Në disa foto të shpërndara në Instagram, Kim shkruan se nuk ja merrte mendja kurrë që do ta gjente Shën Antonin në Shqipëri, në këtë kishë. Diplomatja, Yuri Kim krahas fotove shkruan se ka bërë një lutje të veçantë, ndërsa uron shqiptarët me fjalët: Ju ndihmoftë!
“Si mijëra njerëz në Shqipëri, vizitova Kisha e Shna Ndout në Laç këtë mbrëmje për të thënë një lutje të veçantë. Kur isha duke u rritur në #Guam, shkova në shkollën St. Anthony (Shën Antoni). Unë kurrë nuk mund ta imagjinoja një ditë se do ta gjeja Shën Antonin e Padovës në #Shqipëri. Le të na ndihmojë Shën Antoni për të gjetur atë që ka humbur. Ju ndihmoftë!”, shkruan ambasadorja amerikane, Yuri Kim.
Pas ritualit të 13 të martave radhazi, mbrëmjen e 12 Qershorit, ashtu si çdo vit, mijëra besimtarë të krishtere, por jo vetëm janë mbledhur në kishën e Laçit për të përkujtuar Shna Ndoun.
Mes mijëra njerëzve që ishin dje dhe sot në Kishën e Laçit, ishte edhe ambasadorja amerikane Yuri Kim.
