Kandidati për deputet për Partinë Demokratike në Qarkun e Dibrës, Xhelal Mziu ka akuzuar qeverinë se po vjedhin votat. Ndër të tjera Mziu ka shtuar se entuziazmi i qytetarëve para zgjedhjeve nuk përkon me rezultatin e zgjedhjeve të deri tanishme. Ai thotë që është e papranueshme sepse edhe zonat që konsiderohen si bastione të Partisë Demokratike, po merr rezultate negative dhe ky rezultat është i papranueshëm. Xhelal Mziu akuzoi Partinë Socialiste se nuk heq dorë nga shit-blerja e votë s dhe se atje ku ka gjetur terren e ka bërë. Ai ka përmendur edhe rastin që u kap një makinë me lekë në zonën e Maqellarës dhe ka shtuar se si ajo ka pasur edhe shumë të tjera.
“Jam shokuar sepse qëndrimi i pjesëmarrjes entuziazmi i tyre dhe konvertimi në vota është totalisht i kundër. Çudia ndodh se në disa fshatra dhe lagje më parë kishin entuziazëm të jashtëzakonshëm dhe janë konvertuar tjetërsim votash. Kemi patur disa bastione dhe ato kanë marrë rezultate negative. Kjo qeveri nuk heq dorë nga blerja e votave, atje ku ka gjetur terren e ka bërë. E gjithë Shqipëria e di që ne kemi kapur një makinë me lek si ajo ka patur me dhjetëra. Exit Pollet nxjerrin fitues PD dhe në fakt shohim disa rezultate të papranueshme”, tha Xhelal Mziu.
