Bujar Sejdinaj, i njohur në Itali me nofkën “xhaxhai” ka mbërritur mbrëmë në Aeroportin Fiumiçino të Romës, ku është marrë në dorëzim nga policia italiane.
Vendimi për ekstradimin e tij ka ardhur pas gjykata e gjeti fajtor si pjesë të familjes mafioze “BELLOÇO”, me veprimtari kryesisht në Ballkan,
Sejdinaj dyshohet se është “njeriu që luan fijet e Ndraghetas në Shqipëri e Ballkan”, pra që ka në kontroll mbarëvajtjen e të gjitha veprimeve kriminale të kësaj bande mafioze.
Gjatë hetimeve të autoriteteve italiuane, ai dyshohet se ka qenë i përfshirë edhe në trafikimin e 20 kg kokainë.
Operacioni i koduar Magna ka mbyllur hetimet në nëntor 2019 dhe arrestimi i “xhaxhait” është bërë më 21 korrik 2020 në Shqipëri.
Ndërsa ekstradimi është kryer gjatë mbrëmjes së shkuar nga Tirana drejt aeroportit “Fiumicino” të Romës.
Më parë, Ministria e Drejtësisë ka firmosur dosjen e ekstradimin të Bujar Sejdinit, të njohur ndryshe me nofkën “Xhaxhai” drejt shtetit italian ku akuzohet si anëtar i klaneve të grupit mafioz Ndragheta .
Sipas vendimit të firmosur nga ministrja Etilda Gjonaj, Sejdini do të niset drejt shtetit italian brenda datës 25 nëntor përmes strukturave të Interpolit. Sipas hetimeve të autoriteteve italiane, ai dyshohet se ka marrë pjesë në trafikun e kokainës, pasi ka udhëtuar nga Italia në Spanjës për blerjen e rreth 20 kilogramëve kokainë.
Droga është blerë për llogari të grupit mafioz Balloco, ndërsa Sejdini dyshohet se është personi që ka negociuar me trafikantët.
Organizata kriminale ku bënte pjesë Sejdinaj u godit nëntorin e kaluar në Itali ku autoritetet firmosën 45 urdhër-arreste, mes të cilëve edhe për disa shqiptarë.
Bujar Sejdini u arrestua gjatë një operacioni ndërkombëtar të zhvilluar në të njëjtën kohë në Shqipëri, Itali, Argjentinë dhe Costa Rikë. Gjatë operacionit të koduar “Magma 2020”, u arrestuan 6 persona në total, 2 në Shqipëri, 3 në Argjentinë dhe një në Kosta Rikë.
Në vendin tonë policia e shtetit angazhoi forcat RENEA për ekzekutimin e vendimeve të gjykatave duke prangosur dhe Ardian Cekinin, ndalimi i të cilit u krye në qytetin e Elbasanit pasi autoritet italiane e kishin shpallur në kërkim për pjesëmarrje në organizatë kriminale.
Finalizimi i këtij operacioni është vijim i hetimeve të nisura prej vitit 2007, ku të ndaluarit Ky grup kriminal kishte aftësinë të kryente trafik kokaine me vlere 45 milionë euro ne vit.
/GazetaReforma.com/
