Mbrëmja e sotme është e shënuar dhe kjo sepse shënohen plotë 10 vite nga anëtarësimi i vendit në NATO.
Me këtë rast Ministria e Mbrojtjes ka organizuar një mbrëmje gala ku edhe janë të ftuar përfaqësuesit e NATO-s .
Ka qenë ministrja, Olta Xhaçka ajo ka e ka nisur këtë aktivitet, ku në fjalën e saj e ka vlerësuar shumë ndihmën që ky organizëm i ka dhënë Shqipërisë duke trajnuar dhe modernizuar Forcat e Armatosura.
Ndër të tjera, ministrja ka ngritur lart edhe rolin që kjo aleancë ka në botë, për të cilën thotë se është ”unike”.
“Me anëtarësimin në NATO shqiptarët u rikthyen në identitetin evropian. Ende të tjera punë dhe sfida na presin, por jemi të gjithë bashkë për t’i përballuar. Jetojmë në një moment sfidash të mëdha, nuk kam asnjë dyshim se NATO do të dijë të ndryshojë dhe përshtatet ndaj çdo lloj krize dhe kërcënimi siç ka bërë në 70 vjet. Zor të ketë një themel më të fortë se sa uniteti, kohezioni mes kombeve të lira dhe demokratike. Gjithë sa Shqipëria ka arritur në këto vite nuk do kishin qenë të mundura pa mbështetjen e NATOS. Një falënderim i shkon Shteteve të Bashkuara të Amerikës dhe aleatëve tanë strategjikë për mbështetjen, trajnimin dhe modernizimin e FA”,- tha ajo.
