Kreu i Partisë së Lirisë Ilir Meta ka konfirmuar pjesëmarrjen në protestën e PD në 3 mars, datë kur Gjykata vendos në lidhje me vulën e PD. Meta e konsideroi çështjen e vulës që po mban peng PD si një çështje e shpartallimit të grushtit të shtetit, proces i nisur shumë herët, përmes ‘Rama-forma’”.
“Çështja e PD nuk është çështje e demokratëve, është e vetë demokracisë, e pluralizmit. Është çështje e shpartallimit të grushtit të shtetit, proces i nisur shumë herët, përmes Rama-forma, drejtësia e Surrelit që urdhëron kancelarin e gjykatës që të mos regjistrojë vendimin e gjykatësit në regjistër. Kjo është drejtësia e Surrelit. Shqiptarët në 3 mars duhet të japin një mesazh të qartë të gjithë gjykatësve, prokurorëve të mos bëhen bedela të Ramës dhe McGonigal-ëve. Ndaj në 3 mars jemi në solidaritet të plotë me PD, demokratët anembanë të jenë të sigurtë që në 3 mars janë në solidarët dhe socialistët me këmbë në tokë që duan normalitet dhe kërkojnë llogaridhënie. Ky korrupsion pa asnjë diskutim ka goditur gjithë shoqërinë në gjithë segmentet e saj, ka rritur varfërinë”, tha Meta.
Kujtojmë se opozita ka nisur një valë protestash kundër qeverisë Rama që pas publikimi të skandalit “McGonigal” ku në dosjen hetimore përmendej kryeministri Rama dhe bashkëpunëtorë të tij.
