Pas provokimit të Presidentit Serb Aleksandër Vuçiç, ka reaguar edhe Bashkimi Europian. Mësohet se përfaqësuese të tyre kanë thënë se Bashkimi Evropian ka paralajmëruar shpesh që të dyja palët nuk duhet të bëjnë deklarata që nxisin konfliktet midis tyre.
“ Ne e kemi thënë shumë herë përgjatë viteve , që Kosova dhe Serbia duhet të përmbahen nga veprimet dhe deklaratat që janë kundërproduktive për procesin e normalizimit të raporteve dhe punës që çon drejt një marrëveshjeje gjithëpërfshirëse. Sikur kemi thënë disa herë gjatë viteve të kaluara, Serbia dhe Kosova duhet të përmbahen nga aktet dhe deklaratat, të cilat kanë efekt të kundërt për normalizimin e raporteve dhe të punojnë që të arrihet marrëveshja gjithëpërfshirëse,”-ka thënë një zëdhënës i BE-së për Gazetën Express.
Ditën e djeshme, Alaeksandër Vuçiç në Instagram ka postuar hartën e Kosovës të mbuluar me flamurin serb. Këtë postim Vuçiç e bëri për të kujtuar 17 marsin.
Ish-ministri i Jashtëm Ditmir Bushati ka reaguar pas fotografisë që ka publikuar presidenti serb, Aleksandër Vuçiq ku shihet harta e Kosovës me flamurin e Serbisë në të.
“Mos u çudisni me flamurin serb të vendosur nga Presidenti i Serbisë mbi hartën e Kosovës, përsa kohë hapësira jonë mediatike strehon zëdhënësit që demonstronin me mburrje ‘risitë’ e projektit të copëtimit të Kosovës!“, shkruan Bushati krahas fotos.
