Ditën e sotme, më 8 qershor po mbahet në Ohër, Samiti i Ballkanit të Hapur.
Presidenti i Serbisë, Vuçiç i cili mban marrëdhënie shumë të mira më Edi Ramën, nuk ka harruar t’i bëjë “qokën” edhe përgjatë samitit. Vuçiç e ka falënderuar kryeministrin e Shqipërisë Edi Ramën për përkushtimin që ka treguar ndaj nsimës së “Ballkanit të Hapur”. ‘Falënderoj Ramën, i cili ka qenë gjithmonë i fuqishëm. Edhe kur i është kërkuar të heqë dorë nga Ballkani i Hapur, ka treguar vendosmëri që të vijojë ta bëjë. Pa përkushtimin e tij, Ballkani i Hapur nuk mund të mbijetonte’, tha Vuçiç në konferencën për mediat pas nënshkrimit të 4 marrëveshjeve mes Shqipërisë, Serbisë dhe Maqedonisë së Veriut.
‘Ballkani i Hapur lindi si ideja e tre njerëzve, por sot është i gjithmonë e më shumë njerëzve. Mjafton të vish në Ohër me makinë dhe të kalosh doganën, për të parë ndryshimin, ku një tabelë e thjeshtë shkruan korridori i gjelbër i Ballkanit të Hapur, që për të gjithë ata që transportojnë produktet e djersës së tyre do të thotë një çlirim i madh’, tha Edi Rama.
Kujtojmë që a i bëri edhe një herë tjetër thirrje Kosovës t’i bashkohet nismës. ‘Ballkani i Hapur as nuk ndalet, as nuk mbyllet. Kush i kundërvihet është i destinuar të zhgënjehet. Kush heziton është i destinuar të humbë kohë të çmuar për të përfituar nga kjo nismë. Ne jemi këtu dhe do të vijojmë të jemi këtu’.
