Një 31-vjeçar nga Tirana, Eraldo Nevruzi, që punonte si recepsionist në një hotel në Dhërmi, ka humbur gjurmët më 6 qershor. Pas hetimeve, është zbuluar se ai është qëlluar me armë zjarri rreth orës 00:30 nga Gerald Shehu, 43 vjeç, nga Tepelena dhe banues në Angli.
Policia ka vazhduar kontrollet dhe hetimet, duke zbuluar se Gerald Shehu është larguar drejt Greqisë pas ngjarjes. Ai është shpallur në kërkim dhe po punohet për kapjen e tij. Deri tani, janë marrë në pyetje 29 persona për të zbardhur rrethanat e plota të ngjarjes.
Policia dhe grupi hetimor kanë kryer veprime hetimore në hotel dhe kanë mbledhur prova ligjore që tregojnë se kemi të bëjmë me një ngjarje të rëndë kriminale.
