Bledar Selmanaj, i dyshuari kryesor për vrasjen e Xhuljano Bullarit në Babicë të Vlorës, disa javë më parë ka tentuar të vetëvritet në qelinë e burgut. Ai ndodhet në masën e sigurisë “Arrest me burg” në Peqin ku edhe ka tentuar të ndërmarrë veprimin ekstrem.
Më herët është raportuar se Selmanaj dyshohet të vuajë nga probleme të shëndetit mendor, gjë të cilën e kanë pohuar më pas edhe familjarët e tij. Rojet e burgut kanë konstatuar Selmanajn që ka tentuar të vetëvaret në qeli dhe e kane penguar ne momentin e fundit. Ai ndodhet momentalisht në infermierinë e burgut nën kujdesin mjekësor jashtë rrezikut për jetën.
Ngjarja ka ndodhur rreth orës 19:00 të mbrëmjes së sotme. Dyshohet se rëndesa e ngarkuar psikologjike e kanë shtyrë autorin e dyshuar të krimit të rëndë të ndërmarrë një veprim të tillë. Selmanaj mbahet në qeli për vrasjen e Bullarit dhe rezulton i dënuar më herët për një sërë vjedhjesh në qytete të ndryshme të vendit, Tiranë, Fier e Vlorë.
Sjellim në vëmendje se disa javë më parë Xhuljano Bullari u gjet i vrare me plumb ne koke ne një makine tip Fiat ne Babice te Vlorës. Dyshimet e policisë qe ne fillim ishin se Bullari është qëlluar nga një person pasagjer ne makine, nga i cili nuk e priste. Me vone u arrestua Bledar Selmanaj, nje person me precedent penal, i cili dyshohet se e ka vrare Bullarin pas një pazari droge duke qene se dyshohet se viktima i ka dhënë para fallco.
