Gjykata e Shkallës së Parë në Shkodër ka dënuar me 22 vite burg shtetasin Lekë Vuksani, autor i vrasjes së Petrit Vuksanit. Para togave të zeza prokuroria paraqiti provat që e implikojnë 34-vjecarin në krimin e ndodhur në rrugën ‘Tom Kola’. Avokati mbrojtës ka kërkuar testin paikologjik për autorin e ngjarjes por kjo nuk është pranuar nga gjyqtari i çështjes.
“Me Petritin jemi njohur sepse edhe ai është nga Dukagjini. i kam marrë shtëpinë me qira duke qenë se ndodhej në Angli. Muajt e fundit kemi patur disa debate për qiranë e shtëpisë por edhe për pagesat e ujit dhe të energjisë elektrike. Atë ditë kur ndodhi vrasja Petriti erdhi dhe më nxori nga shtëpia. Unë u ktheva dhe e gjeta vetëm. Aty kemi debatuar dhe në debat e sipër gjeta një automatik që nuk është i imi por i Petritit. Në debat e sipër kam marrë armën dhe e kam qëlluar”,-mësohet të ketë thënë autori i vrasjes.
Pavarësisht pretendimit se arma e krimit është e viktimës, policia dhe prokuroria kanë prova se armën e solli autori me vete dhe se ishte e tij. Autori u arrestua në këtë banesë pas 21 orësh kërkime intensive ndërsa aty iu gjet edhe arma e krimit.
