Një qiradhënës australian është dënuar me 11 vite burg, pasi vrau një shtetas shqiptar dy vite më parë.
Ramis Jonuzi, sipas BBC u vra pasi nuk kishte t’i paguante shumën e detyrimit financiar prej 210 dollarësh.
33-vjeçari i vrarë ishte fëmija i një çifti shqiptarësh, të cilët prej vitesh kishin emigruar në Australi, raporton ‘BalkanWeb’.
Jason Colton 42 vjeç, u deklarua fajtor nga gjykata dhe tashmë do të vuajë dënimin me burg.
Ngjarja nisi kur Ramis Jonuzi kishte marrë me qira një dhomë në lagjen ‘Brighton East’ të Melbourne dhe e kishte prenotuar dhomën për tre net. Ai më vonë kërkoi që të zgjaste qiranë edhe për një javë tjetër dhe për këtë do të paguante 210 dollarë.
Por kur duhej të paguante qiranë, shqiptari në llogari bankare kishte vetëm 10 dollarë. Pas kësaj, pronari i dhomës e goditi duke e dhunuar deri sa ai gjeti vdekjen. Në vrasjen e tij rezultoi se kishin marrë pjesë edhe dy persona të tjerë, të cilat u dënuan nga gjykata respektivisht me nga 9.7 vite burg.
