Ky është momenti kur shqiptari Koçi Selmanaj përgatitej për vrasjen e mësueses 28 vjeçare Sabina Nessa. Ai është filmuar nga kamerat e sigurisë së marketit ku bënte prova me mjete rrethanore.
Selmanaj është dënuar me burgim të përjetshëm për vrasjen mësueses së shkollës fillore e cila po shëtiste në një park në Londër.
36-vjeçari do të vuajë të paktën 36 vjet burg. Emigranti shqiptar ka sulmuar në mënyrë barbare mësuesen angleze, duke e qëlluar 34 herë në kokë me një send metalik.
Prokurorja Alison Morgan ka deklaruar se Sabina Nessa është goditur me një objekt rreth 60.96 cm dhe se sulmi ishte i paramenduar. Koçi Selamaj është me origjinë nga Elbasani. Ai punonte në Angli si shpërndarës picash.
Mësuesja Sabina Nessa, e cila u vra nga shqiptari Koçi Selamaj, humbi jetën pasi mori një rrugë për shkurt të cilën kishte shumë frikë që ta përdorte zakonisht. 28-vjeçarja ishte vonë për një darkë me një mikeshë të sajën dhe kishte vendosur që të merrte rrugën për shkurt në parkun Cator, Kidbrooke, në juglindje të Londrës.
Ajo nuk e kishte idenë që shqiptari Koçi Selamaj do t’i dilte fshehurazi. Ai kishte udhëtuar më shumë se 128 kilometra nga shtëpia e tij në Eastbourne. Vrasja u filmua nga një kamera sigurie, por imazhet bardhezi e bënin të pamundur identifikimin e Selamajt, i cili mbante të veshur një kapuç në kokë. Ai ka vrapuar pas Sabinës dhe e ka goditur 34 herë në kokë me një trekëndësh rreziku që përdoret nga shoferët. Për pasojë ajo do të ngelte pa ndjenja dhe u rrëzua në një stol të parkut.
Më pas, Selamaj ka marrë trupin dhe e ka dërguar në një vend të mbuluar me bar. Policia beson se ai ka mbytur Sabinën dhe i ka hequr asaj të brendshmet. Pastaj ka shkuar tek vendi ku e ka goditur dhe ka marrë çfarë kishte ngelur. Pas kësaj, ai zhduket sërish për t’u kthyer 10 minuta më vonë dhe mundohet të fshijë stolin. Policët kanë zbuluar rrugën që ka ndjekur në park Selamaj falë reflektimit që kishte trekëndëshi i rrezikut.
Trupi i pajetë i Sabinës, do të gjendej një ditë pas zhdukjes dhe ishte mbuluar nga bari i gjatë. Identifikimi i saj do të bëhej nga pasaporta që kishte në xhaketë. Fustani i ishte hequr, veshjet intime i mungonin. Detektivët menjëherë nuhatën që kishin të bënin me një vrasje të motivuar seksualisht. Ditën e vrasjes, para se të kryente aktin, Selamaj kishte shkuar në hotelin Grand në Eastbourne, aty ku punonte ish-gruaja e tij. Çifti ishte ndarë, por Selamaj e kishte ftuar atë në makinën e tij dhe ajo ka thënë që të jepte përshtypjen që ai donte të kryente marrëdhënie seksuale në sediljen e pasme, por ajo kishte refuzuar.
