Një italian 45-vjeçar, është dënuar nga një gjykatë britanike me burgim të përjetshëm, pasi ky i fundit vrau me thikë 21-vjeçarin shqiptarin Serxhio Markun.
21-vjeçari u gjet i plagosur me dëmtime në kokë dhe gjoks në pronën në Stafford Road më 11 Shtator 2019 dhe vdiq më vonë në spital. Punëtori i kuzhinës Francesco D’Agostino, 45 vjeç, nga Stafford Road, u shpall fajtor nga gjykata, ka raportuar BBC.
Ndërkohë avokatja e shqiptarit tha se miqtë dhe familja Marku kishin humbur një djalë dhe vëlla shumë të dashur, duke shtuar se, “Gjatë gjithë hetimit tonë, familja e tij është sjellë me dinjitetin më të madh, pavarësisht nga humbja e tyre tragjike”.
Policia britanike tha që 21-vjeçari shqiptar kishte pësuar plagë të shumëfishta nga sulmi me thikë dhe fatkeqësisht nuk arriti që të mbijetojë./GazetaReforma.com/
