Një ngjarje e rëndë ndodhi mbrëmjen e djeshme në Korçë. Një 57-vjeçar u ekzekutua me armë në shtëpinë e tij. Viktima Gramoz Nako u gjet i mbuluar me gjak nga bashkëshortja e tij kur ishte kthyer në shtëpi.
Mëngjesin e sotëm është vetëvrarë më armë edhe kunati i tij Serefedin Zenellari, 71 vjeç. Ky i fundit një natë më parë, vrau me dy plumba kunatin e tij Gramoz Nakon 57-vjeç është vetëvrarë mëngjesin e sotëm.
Pas kësaj ngjarjeje të rëndë, ata që kanë folur për mediat kanë qenë të afërmit e 71-vjeçarit Serefedin Zenellari.
Ata kanë treguar se 71-vjeçari jetonte vetëm pasi ishte ndarë nga gruaja. Sipas tyre ai ishte njeri i qetë por zakonisht nuk tregonte për problemet që kishte.
“Ishte njeri i qetë. Ishte ndarë nga gruaja. E dimë që ka një çupë në Amerikë. Konflikte ka pasur edhe më parë me kunatin.Nuk ishte i sherrit, asgjë. Ai nuk hapej me ne për problemet. Jetonte vetëm”, tregojnë familjarët për 71-vjeçarin.
Gramoz Nako u vra nga kunati i tij Serefedin Zenellari. Ky i fundit i grabiti 13 mijë euro në banesën e tij. Autori i ngjarjes, 71-vjeçari u vetëvra me armën e krimit sapo policia mbërriti në banesë për ta arrestuar. Nako ishte babai i dy fëmijëve dhe prej vitesh jetonte në SHBA, ndërsa 71-vjeçari jetonte vetëm.
