Detaje të tjera janë bërë të ditura për vrasjen e 23-vjeçares Sabrina bengaj në Zhupan të Fierit nga ish-bashkëshorti i saj. E reja mund të ishte ende gjallë, por veprimet e institucioneve të drejtësisë liruan nga burgu Elton Metjn, pavarësisht veprave penale për të cilat akuzohej.
Ai u dënua me masën e sigurisë “arrest me burg”, pasi më shtator 2020 terrorizoi me armë zjarri prindërit e ish-bashkëshortes dhe kundërshtoi forcat e policisë.
Ergys Sulejmani ishte gjyqtari që firmosi vendimin për izolimin e tij në paraburgim, I cili më pas dha dorëheqjen nga radhët e gjyqtarëve. Në bëzë të këtij vendimi Metaj u dërgua në burgun e Fierit, pasi dyshohej për 3 vepra penale; ‘Dhunë në familje me anë të kanosjes’, ‘kundërshtim të forcave të policisë’, si dhe ‘mbajtje pa leje e armëve’, shkruan Balkan Web.
Gjykata në vendimin e saj shprehej se ai kërcënoi prindërit e ish-bashkëshortes Sabrina Bengaj, e cila u largua nga banesa e përbashkët bashkë me vajzën e mitur, pasi zbuloi se ai e tradhëtonte. Ai shkoi në shtëpinë e saj duke i kërkuar të kthehet, por ajo nuk ndodhej aty, duke qenë se ishte me pushime me vëllanë në Vlorë. Kështu, Metaj kërcënoi prindërit e saj më armë zjarri, duke i thënë se do i vriste.
Ermal Hamataj, avokati i tij, pretendoi gjatë seancës për caktimin e masës së sigurisë se Elton Metaj vuante nga depresioni, por nuk pati pretendime se ai ishte i papërgjegjshëm mendërisht.
Jo më shumë se 3 muaj më vonë, situata filloi të ndryshonte në favor të të akuzuarit. Gjyqtari Taulant Banushi e ndryshoi masën e sigurisë nga “arrest me burg” në atë të shtrimit të detyrueshëm në një institucion mjekësor me një kërkesë të prokurorisë që ishte bazuar në një akt të ekspertëve të mjekësisë ligjore. Ata e konsideronin të pandehurin të papërgjegjshëm mendërisht.
Në mars të vitit 2021, në skenë futet gjyqtari piro Sota. Ai mori vendimin për ta mbyllur Metajn në burgun e Zaharisë dhe ndaloi akuzat ndaj tij me argumentin se një person me probleme mendore, s’mund të përgjigjej penalisht për krimet e kryera. Vendimi u kundërshtua nga avokati dhe kërkoi mendimin e mjekut psikiatër të burgut. Ky i fundit foli në favor të tij, duke thënë se gjendja ishte përmirësuar. Masa e sigurisë u lehtësua ndjeshëm 5 muaj më vonë, kur gjyqtari Piro Sota hodhi firmën, pasi qëndrimit të ndryshuar të ekspertëve të mjekësisë ligjore. Sota e zbuti masën e sigurisë nga shtrim i detyrueshëm në spital në mjekim ambulator nën kujdesin e babait.
Pak muaj pasi doli nga burgu, Elton Metaj vrau me armë zjarri ish-bashkëshorten e tij Sabrina Bengaj, teksa ishte duke darkuar në shtëpinë e prindërve të saj.
