Një krim i rëndë ka ndodhur ditën e djeshme në Fier në zonën e quajtur “Sheqi i Madh, ku një 50 vjeçare është vrarë me thikën e bukës nga burri i saj, i cili e raportoi fillimisht si vetëvrasje.
Petrit Manaj 56 vjeç kishte goditur gruan me thikë në zemër rreth orës 06:30 të mëngjesit të së martës dhe më pas kishte shkuar në lokalin e lagjes për të pirë kafen. Kështu ka deklaruar në Policinë e Fierit vetë autori i krimit.
Ndërkohë një ditë më pas ka dalur fotoja e 56-vjeçarit i cili realizoi krimin makabër ndaj gruas së tij.
Ky është 56-vjeçarit Petrit Mamaj i cili ditën e djeshme vrau me thikë në banesë bashkëshorten e tij Valdete Mamaj, nënë e dy fëmijëve, një vajze dhe një djali. Ditën e djeshme u publikua një tjetër foto për autorin, e një personi tjetër që nuk kishte lidhje, por që pas verifikimeve rezultoi e gabuar.
20 minuta pas vrasjes, ai ishte rikthyer në banesë dhe e kishte qëlluar gruan edhe disa herë të tjera me thikë në pjesë të ndryshme të trupit. Sipas tij, këtë gjë e kishte bërë që varianti i tij për vetëvrasje të ishte më i besueshëm.
Valdete Manaj 50 vjeç, kishte humbur jetën menjëherë për shkak të gjakderdhjes të shkaktuara nga goditjet me thikë.
