Arrestohet 50-vjeçari shqiptar, Eduart Danaj, i cili vrau me thikë bashkëshorten, Enkelejda Danaj në Athinë. Pas disa orësh arrati nga policia, mësohet se ai është vënë në pranga në zonën e Filit, pasi ishte fshehur në një ndërtesë të braktisur dhe po shoqërohet në komisariat, për të dhënë dëshminë e tij. Pas ngjarjes ai u largua menjëherë duke e lënë gruan e vrarë në mes të rrugës.
Gruaja u pikas nga fqinjët rreth orës 06:00 të mëngjesit të kësaj të enjteje. Ajo u gjet e mbuluar nga gjaku. Policia shpalli menjëherë në kërkim Eduart Danaj. Gruaja, Enkelejda Danaj e kishte denoncuar tre herë në polici, bashkëshortin për dhunë në familje. Pas ngjarjes, në skenën e krimit, ka mbërritur vajza e viktimës, e cila sipas dëhsmitarëve, bërtiste duke qarë: “Është nëna ime, është nëna ime”
