Gjykata e qarkut të St.Gallen në Zvicër, dënoi me 6.5 vite burg, shqiptarin nga Kosova që vrau në 2019 gruan e tij me lugën metalike të këpucëve.
Sipas vendimit të së martës, i dënuari, i cili vjen nga Kosova dhe ka jetuar në Zvicër për 46 vjet, do të dëbohet nga vendi për shtatë vjet. Vendimi nuk është ende i plotfuqishëm ndërsa i dënuari tashmë është në burg.
Prokurori publik ka folur për një veprim të zhvilluar qartazi nën afekt, të shkaktuar nga provokimet dhe fyerjet e vazhdueshme nga gruaja. Më tej, sipas tij, ai kishte një “emocion të dhunshëm që ishte i arsyeshëm për rrethana”, diçka që është tipike për vrasje. Ndërsa akti ishte jashtëzakonisht brutal.
Prandaj, prokurori ka kërkuar dënim me shtatë vjet burg. Kodi Penal parashikon një deri në dhjetë vjet për krimin e vrasjes pa dashje.
Avokati i mbrojtjes u lut për një dënim shumë më të butë: dënimi me kusht me dy vjet burg sipas tij do të ishte i përshtatshëm. Po ashtu ai ka kërkuar që nga dënimi të hiqet dëbimi nga vendi.
/GazetaReforma.com/
