Një ngjarje e rëndë tronditi ditën e djeshme qytetin e Ferizajt në Kosovë, ku një 18-vjeçare u la e vdekur jashtë dyerve të spitalit. Kjo ngjarje ka sjell reagime të forta nga policia dhe politikanët në Kosovë.
Policia e Kosovës ditën e sotme nëpërmjet një njoftimi zyrtar iu ka kërkuar të gjithë qytetarëve të Kosovës që të bashkëpunojnë për gjetjen e Dardan Krivaqës, i cili është edhe i dyshuari kryesor për vrasjen e të resë. Sjellim në vëmendje se më herët u bë me dije se Krivaqa ishte edhe bashkëjetuesi i 18-vjeçares, ndërkohë që është arrestuar nga policia shoku i tij Arbër Sejdiu. Po ashtu policia iu ka kërkuar qytetarëve bashkëpunim, për të arrestuar sa më parë Krivaqën, ndërsa për ta bërë sa më të lehtë identifikimin e tij ka bërë publike edhe foton e tij.
Njoftimi i Policisë
Kërkesë për bashkëpunimDrejtoria Rajonale e Policisë në Ferizaj, kërkon bashkëpunim nga qytetarët, për identifikimin dhe vendodhjen e personit në kërkim policor, i cili dyshohet për ‘’Vrasje të rëndë’’.Vrasja e rëndë, ka ndodhur dje me datën 22.08.2021 në Ferizaj, ku humbi jetën 18 vjeçarja M.O (F/K) .I njejti, i dyshuari deri më tani nuk është paraqitur në polici dhe është në arrati.
Personi i kërkuar është Dardan( Emrush) KRIVAQA, i lindur me 25.08.1992 , adresa : rr,,Ramdan Rexhepi ’’ kati V-të , nr # 3-Ferizaj . Policia kërkon nga qytetarët që, kushdo që ka ndonjë informacion rreth këtij personi dhe vendodhjen e tij , të lajmërojnë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdetarë : 192 ,0290/326-250 & 0290/322-406Të dhënat e juaja do të ruhen në konidencialitet të plotë
