Ditën e sotme dëshmia e 37-vjeçarit Mariglen Muhametaj që vrau babanë dy netë më parë është zbardhur në polici. Mësohet se gjatë dëshmisë së tij, ai ka thënë në polici se babai i kishte kërkuar atij që të gjente punë, pasi nuk kishte mundësi më se me çfarë ta ushqente.
“Gjej punë, mos rri kot. Unë nuk kam me çfarë të ushqej” i ka thënë Qemal Muhametaj djalit të tij.
Më pas siç ka treguar se 37-vjeçari, në debat e sipër ai e ka shtyrë babanë e tij me forcë dhe ai ka rënë përtokë. Por nuk ka mjaftuar me kaq, pasi ka marrë sende të forta dhe e ka qëlluar atë në kokë, duke i marrë jetën.
Ngjarja e rëndë ndodhi dy netë në fshatin Greshicë. 37-vjeçari qëlloi me sende të forta për vdekje të atin, Qemal Muhametajn e më pas u arratis. E gjithë ngjarja ndodhi në prani të nënës së tij, e cila është e paralizuar. Autori, Mariglen Muhametaj u arrestua mëngjesin e djeshëm pas disa orësh ndjekje nga policia.
Kujtojmë se Muhametaj, pas arrestimit nuk ka shfaqur asnjë lloj pendese për krimin e ndodhur. Ai ka rrëfyer me detaje ngjarjen makabër. Sipas banorëve të zonës, ai prej kohës merrte mjekim për depresion
