Pas disa orësh kërkime, policia ka arritur të arrestojë 35-vjeçarin Arjan Shahaj.
Ky i fundit vrau me sëpatë babanë e tij në fshatin Shalës të Memaliajt.
Të riut i janë vënë prangat në Poçem të Fierit në një furgon linje, shkruan “Newsbomb”.
Arjan Shahaj ka pasur probleme edhe në të shkuarën me drejtësinë.
Ai ka tentuar të vrasë një bashkëfshatar në 1998-ën, vepër për të cilën u dënua me 12 vite burg, ndërsa në 2003-shin ai ka tentuar të vrasë edhe nënën e tij.
Kujtojmë këtu se krimi makabër i ditës së sotme ndodhi pas një konflikti të çastit, ku babë e bir kishin dalë për të bërë dru.
Ndërkohë i riu njihet si një person me probleme të shëndetit mendor.
