Gjykata e Fierit ka caktuar masën “arrest me burg” për autorin e vrasjes makaber të 8-vjeçarit Mateo Vasiu në Grecalli, ngjarje e cila ndodhi dy dite me pare.
Seanca gjyqësore është zhvilluar pa prani të autorit 38-vjeçar Klodian Calamani ndërsa nga policia është marrë deklarata e tij ku shprehu vullnetin që gjykimi te behej ne mungese te tij.
Ndërkohë nga trupi gjykues me pjesëmarrjen e gjyqtares Sonila Hoxha dhe prokuror Clirim Sino është caktuar masa e sigurimit arrest me burg.
Kujtojmë se familjarët e 8-vjeçarit, i cili u gjet i vrarë dhe i groposur në oborrin e banesës së Çalamanit, janë vendosur prej disa orësh në gjykatën e Fierit, ku kërkojnë përballje me autorin. Ata njëzëri kanë kërkuar dënimin e tij me vdekje. Ende pa nisur seanca, janë shënuar incidente në hollin e gjykatës në Fier. Familjarë të 8-vjecarit Mateo kanë hyrë me forcë në ambjentet e gjykatës.
Një e afërme e 8-vjecarit Mateo, i cili u vra në mënyrë makabre nga 38-vjecari Klodian Çalamani, apeloi në ambjentet e jashtme të gjykatës për drejtësi. Ajo kërkoi mbështetjen e të gjithë, ndërsa i apeloi t’i bashkohen në gjykatë.
“I bëj thirrje qytetarëve të na bashkohen. Të kërkojmë drejtësi për Mateon sot ishte fëmija ynë, nesër mund të jetë dikush tjetër. Të gjithë të vijnë të na mbështesin këtu. “ u shpreh ajo.
