Vlora është tronditur mesditën e sotme nga një vrasje me breshëri plumbash shumë pranë qendrës së qytetit shumë pranë rrugës “Transballkanike”.
“Më datë 03.03.2021, rreth orës 14:20, në lagjen “Bashkimi”, në afërsi të Gjykatës së Apelit, Vlorë, është qëlluar me armë zjarri, në rrethana ende të paqarta shtetasi T.Gj., 31 vjec, i cili si pasojë e plagëve të marra ka ndërruar jetë në Spitalin e Vlorës.”, thuhet në njoftim.
Policia ka zbardhur detaje të ngjarjes që ka ndodhur, ku zbulohet dhe identiteti i viktimës, Taulant Gjikaj, 31 vjeç. Ai u qëllua me breshëri plumbash nga një i ri i cili ka dalë nga një makinë duke qëlluar drejt tij, i cili u dërgua menjëherë në spital, por nuk mundi të mbijetojë për shkak të plagëve të marra.
Njoftimi i Policisë
“Më datë 03.03.2021, rreth orës 14:20, në lagjen “Bashkimi”, në afërsi të Gjykatës së Apelit, Vlorë, është qëlluar me armë zjarri, në rrethana ende të paqarta shtetasi T.Gj., 31 vjec, i cili si pasojë e plagëve të marra ka ndërruar jetë në Spitalin e Vlorës.
Shërbimet e Policisë kanë mbërritur menjëherë në vendgjarje ku është rrethuar zona dhe janë ngritur pika kontrolli në hyrje dhe në dalje të qytetit dhe përgjatë rrugëve që lidhin njësitë administrative me qëllim kapjen e autorit. Grupi hetimor po vijon punën për sekuestrimin e çdo prove materiale që do ti shërbej zbardhjes së ngjarjes dhe identifikimit të autoriteteve”, njofton policia.
