Bie në pranga mëngjesin e kësaj të enjte 30 vjeçari nga Fieri që ishte i shpallur në kërkim ndërkombëtar.
Arrestimi i tij është bërë i mundur nga bashkëpunimi i FNSH Fier dhe Interpol Tirana, të cilët kanë bërë të mundur kapjen e tij.
Bëhet fjalë për shtetasin Izmir Krasniqi, banues në Çermë të Fierit, i dënuar me 14 vite burg për veprat penale “Vrasje në bashkëpunim”, dhe “Vjedhje me dhunë” kryer në bashkëpunim.
“Ky shtetas ishte shpallur në kërkim ndërkombëtar nga Interpol Roma, pasi Gjykata e Torinos/ Itali e ka dënuar me 14 vjet burg, për veprat penale “Vrasje në bashkëpunim” dhe “Vjedhja me dhunë” kryer në bashkëpunim.”, thuhet në njoftimin e policisë.
Arrestimi i 30 vjeçarit është kryer provizor, pasi pritet ekstradimi i tij drejt Italisë. Gjithashtu Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt shtetit fqinj.
Njoftimi i policisë:
“Strukturat e Drejtorisë Vendore të Policisë Fier, në bashkëpunim me FNSH Fier dhe me Interpol Tirana, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe arrestimin provizor, me qëllim ekstradimin drejt Italisë, të shtetasitIzmir Krasniqi, 30 vjeç, banues në Fermë Çlirim, Fier”, thuhet në njoftimin e policisë.
Ky shtetas ishte shpallur në kërkim ndërkombëtar nga Interpol Roma, pasi Gjykata e Torinos/ Itali e ka dënuar me 14 vjet burg, për veprat penale “Vrasje në bashkëpunim” dhe “Vjedhja me dhunë” kryer në bashkëpunim.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.”
