Policia ka arrestuar të miturin 14-vjeçar në lidhje me ngjarjen tragjike që ndodhi një ditë më parë në rrugën “Qemal Stafa”.
I mituri akuzohet për vrasje me dashje ndaj një tjetër të mituri dhe për prodhimin, mbajtjen, blerjen ose shitjen pa leje të armëve të ftohta, sipas nenit 79/a dhe 279 të Kodit Penal.
Hetimet e deritanishme tregojnë se konflikti ka shpërthyer pranë shkollës “Fan Noli”, ku i dyshuari është konfliktuar me dy bashkëmoshatatët e tij për motive të dobëta dhe gjatë konfliktit i ka goditur ata me mjet prerës.
Njëri prej të miturve ka ndërruar jetë në spital, për shkak të plagëve të marra, ndërsa tjetri dhe autori i dyshuar janë jashtë rrezikut për jetën.
Çështja është dorëzuar në Prokurori për hetime të mëtejshme.
