Detaje të reja janë zbardhur nga vrasja e 68-vjeçarit Frederik Radi në Mirditë. Ai u gjet i pajetë nga e bija në dhomën e tij të gjumit në shtëpinë në fshatin Orosh. Policia ka nisur hetimet por dyshohet se ngjarja ka ndodhur mbrëmjen e së dielës, pasi komunikimi i fundit i viktimës ka qenë me motrën. (lexo këtu)
Dje e bija e ka marrë në telefon, por ai nuk është përgjigjur, ndërsa ngjarja u zbulua sot rreth orës 2 të mëngjesit kur vajza shkoi në fshat.
Krimi mund të ketë ndodhur për shkak të një konflikt për kullotat në fshat të ndodhur disa vite më parë mes viktimës dhe disa banorëve të fshatit.
Sipas informacioneve dyshohet se 4 vite më parë për konfliktet e kullotave atë e kanë kërcënuar disa bashkëfshatarë me armë, por ngjarja në atë kohë nuk u denoncua dhe çështja u mbyll mes tyre. Për të mbrojtur këto kullota viktima shkonte çdo verë në fshat.
