Një tjetër krim në familje që ka rezultuar fatal ka ndodhur mëngjesin e kësaj të marte.
Gruaja e gjetur e vdekur në banesën e saj në fashtin Vagalat në Memaliaj, Antoneta Hoxha, është vrarë nga bashkëshorti i saj, Skënder Hoxha dhe këtë fakt bashkëshorti e ka pranuar pas disa orësh marrje në pyetje.
Nga detajet që hetuesit kanë nxjerrë mësohet se ngjarja ka ndodhur në dhomën e gjumit të çiftit dhe shkak ka qenë një grindje, arsye e së cilës ende nuk është bër publike.
Sipas rrëfimit të Skënder Hoxhës, në momentin që e ka goditur për herë të parë, gruaja ka qenë me shpinë dhe më pas kur është kthyer e ka qëlluar edhe një herë tjetër në krahun e majtë.
“E vrava unë, e qëllova me levën e kazanit të rakisë.“-ka thënë ai në polici.
Mirëpo rrëfimi është bërë më i rëndë akoma në momentin që bashkëshorti ka rrëfyer se 53-vjeçarja ka qenë ende gjallë dhe i ka kërkuar ndihmë, mirëpo nuk ia kishte dhënë.
“Ajo ishte gjallë, kërkoi ndihmë, unë e kisha qëlluar, por nuk e ndihmova”- mësohet të ketë thënë ën hetuesi Skënder Hoxha.
