Ekzekutimi i dy personave mbrëmjen e djeshme në Laç ka qenë padyshim një ngjarje e rëndë, mirëpo më të rënda duken detajet që janë zbuluar tani më vonë për njërin prej viktimave.
Bëhet fjalë për Jani (Kevin) Jushi, i cili mësohet se ka qenë futbollist i Kategorisë Superiore dhe Kategorisë së Parë.
Këto të dhëna i janë referuar faqes zyrtare të Federatës Shqiptare të Futbollit, ku Jushi ka qenë lojtar i ekipeve të tilla si: Laçi, Kastrioti dhe Adriatiku të Mamurrasit.
Jushi nuk konsiderohej si person problematik, mirëpo mbrëmjen e djeshme kanë pasur një debat me autorët për arsye që ende nuk janë bërë të ditura.
Pasi kanë debatuar, Jani Jushi, i cili ishte dhe në praninë e kushuririt të tij, Mikel Jushi, janë përpjekur të largohen pasi kanë zbuluar se njëri prej autorëve kanë pasur armë zjarri, mirëpo e kanë pasur të pamundur.
