Një ngjarje tragjike me një viktimë ka ndodhur mbrëmjen e djeshme në zonën “Don Bosko” të Tiranës.
Disa persona qëlluan me armë zjarri në një lokal në Tiranë duke lënë të vdekur 35-vjeçarin Erion Çela, si dhe të plagosur shtetasit Arben Dani, 46 vjeç, Azbi Selmani, 19 vjeç, Blerim Çela, 28 vjeç dhe Edmond Crroj, 41 vjeç.
Ndërkohë një ditë më pas, janë zbardhur detaje të reja nga vrasja që tronditi Tiranën. Sipas raprotimit të “Ballkan Web” targat e mjetit me të cilën lëvizën autorët rezultojnë të vjedhura në Vorë.
Ndërkohë dy të plagosurit janë marrë në pyetje nga policia.
Bëhet me dije se 19 vjeçari Azbi Selmanaj, ka thënë se ishte në lokal dhe se nuk kishte njohje me të plagosurit dhe viktimën.
Ndërsa një i plagosur tjetër ka treguar se ka udhëtuar nga Durrësi për në Tiranë për të takuar miqtë e tij në ‘Don Bosko’, ku edhe ndodhi ngjarja.
Sakaq viktima, Erion Çela kishte një dyqan cigaresh dhe shpesh ftonte të vëllain, dajën ose ndonjë mik për të kaluar pasditen në lokalin ngjitur me dyqanin e kafes.
Kujtojmë se viktima Erion Çela priste të bëhej baba i një vajze. Autori ende i paidentifikuar ka plagosur edhe Arben Danin, 46 vjeç dhe kamarierin e lokalit Azbi Selimaj, 19 vjeç, të cilët u dërguan në Spitalin e Traumës. Autorët, menjëherë pas sulmit, janë larguar me shpejtësi drejt Laprakës.
