Është vetëdorëzuar në polici një nga autorët e dyshuar të vrasjes së 31-vjeçarit Tulant Beqirajt në muajin mars në Vlorë. Mësohet se personi që u vetëdorëzua në polici më shumë se dy muaj pas ngjarjes është Skerdjan Gabriani.
Ngjarja ndodhi në 3 mars në Vlorë në rrugën Transballkanike. Viktima kishte disa identitet dhe njihej si Taulant Beqiraj (Gjika, Manaj). Ai u qëllua me breshëri kallashnikovi pranë Gjykatës së Apelit në Vlorë. Në ngjarje ishin të përfshirë tre persona, dy prej të cilëve qëlluan më armë, ndërsa i treti i priste në makinë për t’u larguar.
Taulant Beqiraj kishte precedentë të mëparshëm penal për “Armëmbajtje pa leje” dhe “Vrasje e mbetur në tentativë”.
Policia arrestoi njërin prej autorëve pas ngjarjes shumë pak pas ngjarjes, që ishte Andi (Hans) Jonuzaj, 44 vjeç. Fill pas vrasjes u identifikuan edhe dy bashkëpunëtorët e tij që oshin Elton Hajnaj dhe Skerdjan Gabriani.
“Shërbimet e Komisariatit të Policisë Vlorë, në bashkëpunim me strukturat hetimore të Drejtorisë Vendore të Policisë Vlorë dhe forcat e posaçme “Shqiponjat”, pas njoftimit të marrë se në lagjen “Bashkimi”, në afërsi të Gjykatës së Apelit Vlorë, kishte të shtëna me armë zjarri, menjëherë kanë shkuar në vendngjarje” thuhej në njoftimin e policisë pas arrestimit të Jonuzajt.
