Vrasja e Qassem Soleiman duket se ka sjellë lëvizje edhe ne vendin tonë.
Agjentët e anti-terrorit kanë rritur masat e sigurisë gjatë ditëve të fundit.
Nën monitorim janë vënë objektet e rëndësisë së vecantë, gjithashtu ata kanë rritur shkëmbimin e informacionit me agjencitë vendase dhe të huaja.
ABC News njofton se vazhdojnë të mbahen nën vëzhgim shtetasit iranianë që qëndrojnë në vendin tonë dhe objektet ku ata janë dislokuar.
Këto masa sigurie vijnë në kuadër të kërcënimeve të vazhdueshme që kanë ardhur nga shteti i Iranit si kundërpërgjigje për vrasjen e Qassem Soleimani komandant i forcave revolucionare Quds të Iranit.
Kujtojmë se në 2018 në Shqipëri u organizua një celulë terroriste, e cila u shkatërrua falë ndërhyrjes së policisë.
Disa iraninë u ndaluan nga policia.
Momentin e ndalimit ata ishin duke bërë foto dhe u thanë oficerëve të anti-terrorit se ishin gazetarë dhe kishin ardhur me ftesë të Kryegjyshatës Botërore Bektashiane.
Këto filmime sipas tre shtetasve iranianë ishin porositur nga një televizion turk, por nga hetimet e Krimeve të Rënda dhe prokurorit Beçi ka rezultuar e pavërtetë.
Pas ndalimit dhe marrjes në pyetje ata u lanë të lirë, por u mbajtën nën vëzhgim duke sjellë zbulimin e rrjetit.
Nëntë muaj pas kësaj ngjarje, Shqipëria dëboi ambasadorin e Iranit nga Tirana.
Së fundmi, u zbulua se në krye të kësaj celule ka qenë Soleiman.
