Ditën e sotme Skënder Lika dhe djali i tij janë shpallur në kërkim nga policia si persona të dyshuar për vrasjen e Rakip Rolit në Laç. Dyshohet se Lika së bashku me djalin e tij i kanë bërë pritë në këmbë viktimës e më pas e kanë qëlluar me armë, duke e lënë të vdekur.
Skënder Lika është vëllai i Myslim Likës, i plagosur më parë në Mamurras. Lika është dhe xhaxhai i Ilir Likës, i arrestuar për vrasjen e 2 biznesmenëve.
Ende nuk dihen shkaqet e vrasjes ndërsa djemtë e biznesmenit, Emiljano dhe Isuf Roli jane hetuar per trafik droge në vitin 2017. Në ndihmë të policisë janë nisur edhe dy grupe të FNSH-së ndërsa mendohet se në atentat kanë marrë pjesë dy persona, babë e bir, Skënder Lika dhe djali i tij.
Rakip Roli u qëllua me breshëri kallashnikovi sapo doli me makinë nga banesa e tij. Report Tv mëson se automjeti me të cilin udhëtonte viktima, ka lëvizur për të paktën 500 metra nga vendi ku është qëlluar duke goditur nga pas një makinë tjetër tip ‘Audi’ ku më pas përfundoi në kanal. Biznesmeni është qëlluar nga krahu i pasagjerit me breshëri duke gjetur vdekjen e menjëhershme. Sakaq, mendohet se në atentat kanë marrë pjesë dy persona, ende të paidentifikuar.
Raportohet se Roli ishte biznesmen materialesh ndërtimi. Rakip Roli, rezulton emër i njohur për policinë. Në vitin 2011 ai u arrestua pasi u përfshi në plagosjen e një 22-vjeçari, ku së bashku me një person tjetër, Petrit Sana rrahën me sende të forta të riun, duke e plagosur rëndë, pas një sherri për motive banale.
Pista e hetimit
Hetimet janë përqendruar në konfliktet që mund të kenë pasur dy djemtë e biznesmenit Rakip Roli. Emiljano dhe Isuf Roli mësohet se janw hetuar pwr trafik droge nw vitin 2017.
